اټلانټا (پژواک، ۲۶ لړم ۱۴۰۱): د افغانستان لپاره د اروپایي ټولنې ځانګړي استازي د فوټبال نړۍوال جام په تړاو د سهیل شاهین ټویټ ته غبرګون ښودلی دی.
ټاکل شوې ده د فوټبال نړۍوال جام سیالۍ د نومبر میاشتې په ۲۰مه نېټه په قطر کې پیل شي.
د افغانستان سرپرست حکومت د قطر دفتر مشر او د ملګرو ملتونو سازمان ته ټاکل شوي استازي سهیل شاهین د نړۍوال جام په اړه ټویټ کړی دی.
1/2
Qatar is welcoming 1.5 million visitors from different parts of the world to enjoy FIFA world cup 2022 and explore its rich culture. It will be the first world cup hosted in the Middle East and second in the whole Asia. I congratulate the leadership of the state of Qatar,— Suhail Shaheen. محمد سهیل شاهین (@suhailshaheen1) November 17, 2022
هغه په ټویټ کې لیکلي: «قطر د فوټبال نړۍوال جام لپاره د نړۍ له بېلابېلو سیمو یونیم میلیون مېلمنو ته هرکلی کوي او خپل غني کلتور نندارې ته وړاندې کوي؛ دا په منځني ختیځ کې د فوټبال لومړی نړۍوال او په ټوله اسیا کې دویم ځل دی؛ زه د قطر مشرتابه ته له دې امله مبارکي ورکوم چې دا خوب یې رښتیا کړ.»
بلخوا د افغانستان لپاره د اروپایي ټولنې ځانګړي استازي توماس نيکولسن د سهیل شاهین ټویټ ته غبرګون ښودلی دی.
Maybe a source of inspiration for Afghanistan? FIFA World Cup in Afghanistan in 2042 and for women already in 2039? https://t.co/Ue3Y9TANrr
— Tomas Niklasson (@tomas_niklasson) November 17, 2022
هغه سهیل شاهین ته په ځواب کې لیکلي: «د قطر دغه اقدام ښایي د افغانستان لپاره د الهام یوه سرچینه شي، د ۲۰۴۲ زېږدیز کال فوټبال نړۍوال جام به په افغانستان کې وي، خو له هغه وروسته، په ۲۰۳۹ زېږدیز کال کې به بیا د ښځو فوټبال نړۍوال جام په افغانستان کې ترسره کېږي.»
Views: 6220
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن