تخار کې د شاتو مچۍ‌لرونکي: دغه ولایت کې تولید شوي شات لومړی مقام ګټلی

تالقان (پژواک، ۵ لېندۍ ۱۴۰۱): په تخار ولایت کې یو شمېر مچۍ‌لرونکي او د شاتو تولیدوونکي وايي، د مناسب اقلیم شتوالی د دې لامل شوی چې په دغه ولايت کې توليد شوي شات، په یو داخلي نندارتون کې د يو شمېر هېوادونو (ترکيې، چين، سعودي عربستان او متحده عربي اماراتو) ترمنځ لومړی مقام وګټي.

د دوی په خبره، که حکومت له دغو تولیداتو ملاتړ وکړي، د تخار شات به په نړۍ کې لومړی مقام خپل کړي.

نورالحق عالمي یو له هغو شات تولیدوونکو‎ دی چې له ۲۱ کالونو راهیسې له دې لارې د خپلې کورنۍ لګښتونه پوره کوي.

د هغه په ​​وينا، تېر کال يې ۳ زره کيلوګرامه شات ترلاسه کړي وو، خو سږ کال یې د وچکالۍ له امله ١٥٠٠ کيلوګرامه شات تولید کړي چې هر کيلوګرام يې له ٥٠٠  تر ٧٠٠ افغانيو پلوري.

login or register a new account.