کابل (پژواک، ۸ لېندۍ ۱۴۰۱): د افغانستان مرکزي بانک سبا (د لېندۍ ۹مه) ۱۶ میلیون امریکایي ډالر د داوطلبۍ له لارې لیلاموي.
دغه بانک نن په خپله ټویټرپاڼه کې لیکلي: «د افغانستان بانک غواړي چې د ۱۴۴۴ کال د جمادی الاول میاشتې په ۶مه (۱۴۰۱/۰۹/۰۹) د چهارشنبې په ورځ د داوطلبۍ له لارې تر ۱۶میلیونه امریکايي ډالرو پورې د لیلام په ډول وپلوري.»
یاد بانک له ټولو سوداګریزو بانکونو، صرافانو او د پولي خدمتونو له شرکتونو – چې پر شرایطو برابر وي – غوښتنه کوي څو په دې داوطلبي کې برخه واخلي.
د افغانستان بانک لیکلي، د داوطلبۍ ګټونکي دې خپل حسابونه د لیلام ورځې تر پایه تصفیه کړي.
سرچینه زیاتوي، د اسعارو د لیلام په داوطلبي کې د معاملاتو قسمي تسویې ته اجازه نه ورکول کېږي او د داوطلبي ګټونکي به د خپل ذمت بیه په یو ځل، په نغد ډول او ټاکلې موده کې د افغانستان بانک ته سپاري.
د یادونې ده، د افغانستان بانک هره اونۍ ټاکلې اندازه امریکايي ډالر لیلاموي څو د افغانیو ارزښت ثابت وساتي.
Views: 20
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن