کابل کې د ګازنیونې له امله د یوې کورنۍ شپږ غړي مړه شوي

اټلانټا (پژواک، ۱۰ لېندۍ ۱۴۰۱): امنیتي مسوولین وایي، په کابل ښار کې د ګازنیونې له امله د یوې کورنۍ شپږو غړو ژوند له لاسه ورکړی دی.

باختر خبري اژانس د امنیتي مسوولینو په حواله خبر ورکړی چې دا پېښه د کابل ښار څلورمې امنیتي حوزې اړوند په تایمنیو سیمه کې رامنځته شوې ده.

سرچینې زیاته کړې چې په یوه کور کې د ګازنیونې له امله د دوو ښځو او څلورو ماشومانو په ګډون، شپږ کسانو خپل ژوند له لاسه ورکړی دی.

باختر اژانس د پېښې په اړه نور جزییات نه دي خپاره کړي.