یوناما: د ښځو د حقونو فعاله ظریفه یعقوبي له بنده خوشې شوې

اټلانټا (پژواک، ۲۱ لیندۍ ۱۴۰۱): افغانستان لپاره د ملګرو ملتونو مرستندویه پلاوي (یوناما) وايي چې سرپرست حکومت د ښځو د حقونه فعاله ظریفه یعقوبي له بنده خوشې کړې ده.

یوناما د لیندۍ په ۲۱مه، پخپل ټویټر پاڼه کې ددې خبر د پخلي ترڅنګ د افغانستان د سرپرست  حکومت ددغه اقدام ستاینه کړې ده.

UNAMA welcomes release of civil society activist @YaghubiZarifa.

We call on #Afghanistan's de facto authorities to urgently respond to our repeated requests for information regarding whereabouts of other activists detained for exercising right to freedom of expression. https://t.co/sKlDi3ZW9C

— UNAMA News (@UNAMAnews) December 12, 2022

سرچینې له سرپرست حکومت څخه غوښتي دي چې د بشري حقونو د ټولو توقیف شویو فعالانو په اړه معلومات ورکړي او په دې هکله یې غوښتنو ته ځواب ووايي.

تر دې مخکې یوناما ویلي وو چې د ښځو د دغو فعالانو په اړه هېڅ معلومات نشته او مسوولین یې هم په اړه له څه ویلو ډډه کړې وه.

یوناما نه دي ویلي چې ظریفه یعقوبي کله، څنګه او چېرې خوشې شوې ده. او نه هم مسوولینو تر اوسه په دې اړه څه ویلي دي.

سرپرست حکومت  د لیندۍ په ۱۲ نېټه ظریفه یعقوي او د هغې څلور نارینه همکاران په کابل کې د یو خبري کنفرانس پر مهال نیولي وو.

Views: 57