د بشري مرستو په لړ کې نن بیا کابل ته ۴۰ میلیون امریکايي ډالر راورسېدل

کابل (پژواک، ۲۳ لېندۍ ۱۴۰۱): د افغانستان مرکزي بانک وایي، د بشري مرستو په دوام کې د ۴۰ میلیون امریکایي ډالرو بله کڅوړه کابل ته راورسېده.

د افغانستان بانک پر خپل ټويټر ليکلي چې افغانستان ته د مرسته‌کوونکو هېوادونو د بشري مرستو یاده کڅوړه یوه سوداګریز بانک ته وسپارل شوه.

سرچينه زياتوي، د افغانستان بانک هر هغه اصولي اقدام چې هېواد ته د اسعارو د راتګ او د ټولنې له اړو کسانو سره د مرستې لامل کېږي، ستایي او دغه بانک به د بانکي سکتور د لا پیاوړتیا او ټینګښت په برخه کې خپلې هلې ځلې جاري وساتي.

سرچینې زیاته کړې، د افغانستان بانک رهبري هېواد ته د نړۍوالې ټولنې د بشري مرستو هرکلي ترڅنګ، هیله لري چې دا مرستې د بانکي سکتور له لارې ترسره شي.

login or register a new account.