شبرغان (پژواک، ۲۸ لېندۍ ۱۴۰۱): د جوزجان ځایي سرچینې وايي، په شبرغان ښار کې د غوړیو تولید یوه فابریکه چې ۴۰ کسانو ته پکې د کار زمینه برابره شوې، ګتې اخیستنې ته وسپارل شوه.
«د ترکستان د غوړیو تولید فابریکې» مسوول بازمحمد وايي، په دې فابریکه کې چې د تولید ظرفیت یې په یوه ورځ کې ۱۲ ټنو ته رسېږي، له کنجد او پنبه دانو څخه غوړي تولیدېږي.
نوموړی د یادې فابريکې د جوړولو موخه د کروندګرو له کرنيزو محصولاتو ګټه اخيستل او د بېوزلو کورنيو غړو ته د کار زمينه برابرول بولي او وايي، تر اوسه ۴۰ کسانو ته د کار زمینه برابره شوې ده.
هغه وویل، د غوړیو د تولید لپاره خام مواد د جوزجان، فاریاب او سرپل ولایتونو له کروندګرو څخه پېري.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن