مهترلام (پژواک، ۲۹ لېندۍ ۱۴۰۱): د لغمان امنیتي سرچینې وايي، د دغه ولایت د غرقیو ولسوالۍ په مربوطاتو کې دوه کسان له ۳۱۴ کیلوګرام چرسو سره یوځای نیول شوي دي.
د دغه ولایت امنیې قوماندانۍ ویاند یونس یوسفزي پژواک خبري اژانس ته وویل، وړمه شپه امنیتي ځواکونو د کابل- ننګرهار لارې په اوږدو کې د لغمان غرقیو ولسوالۍ په مربوطاتو کې دوه قاچاقبر له ۳۱۴ کیلوګرامه چرسو سره ونیول.
هغه زیاته کړه چې نیول شوو یاده اندازه نشهيي توکي په یوه مازدا موټر کې ځای پر ځای کړي وو.
دغه راز هغه وویل چې نیول شوي کسان د ننګرهار اصلي اوسېدونکي دي او په لومړيو څېړنو کې يې پر خپل جرم اعتراف کړی دی.
یوسفزي زیاته کړه چې یاد کسان به عدلي او قضايي ارګانونو ته وسپارل شي.
GET IN TOUCH
NEWSLETTER
SUGGEST A STORY
PAJHWOK MOBILE APP