“پاکستان او ترکیه افغانستان کې د ثبات لپاره په ګډه کار کوي”

کابل (پژواک، ۹ مرغومی ۱۴۰۱): د پاکستان او ترکیې د بهرنیو چارو وزیران وايي، اسلام‌اباد او انقره به "د یوه باثبات افغانستان" لپاره په ګډه کار وکړي.

دغه مطلب پاکستاني رسنيو خپور کړی او ويلي یې دي چې د پاکستان د بهرنیو چارو وزیر بلاول بوټو زرداري له خپل ترکي سیال مولود چاوش اوغلو سره د ټیلېفون له لارې خبرې کړې دي.

سرچينه وايي، دواړو لورو د افغانستان پر وضعيت او سيمه‌ييزو مسايلو خبرې کړې دي.