[restrict paid=”true”]
اټلانټا (پژواک، ۲۲ مرغومی ۱۴۰۱): د افغانستان اسلامي امارت د اسلامي همکاریو سازمان اعلامیې په ځواب کې ویلي چې د نجونو زدهکړو په برخه کې موقتي ګام اخیستل شوی او د زمینې له برابرېدو سره به دا اندېښنه لرې شي.
د اسلامي امارت ویاند ذبیحالله مجاهد د مرغومي په ۲۲مه د شپې ناوخته په ټویټر کې لیکلي چې د افغانستان اسلامي امارت د اسلامي همکاریو سازمان له غونډې او د افغانستان په اړه له اعلامیې هرکلی کوي.
هغه زیاته کړې، واقعاً هم نړۍوال باید له افغانانو سره خپلو همکاریو ته دوام ورکړي او د افغانستان په کورنیو چارو کې مداخله ونه کړي.
مجاهد ویلي، د نجونو زدهکړو په اړه د دغه سازمان اندېښنې د درک وړ دي، خو اسلامي امارت په یاده برخه کې موقتي ګام اخیستی چې د زمینې په مساعدېدو سره به دغه اندېښنه رفع شي.
نوموړي ویلي، اسلامي امارت له ټولو نړۍوالو سازمانونو، په ځانګړې توګه د اسلامي همکاریو له سازمانه غواړي چې له سرپرست حکومت سره له نږدې تفاهم ولري او له افغان ولس سره خپلو همکاریو ته دوام ورکړي.
دوه ورځې مخکې د سعودي عربستان په جدې ښار کې د اسلامي هم
کاریو سازمان د افغانستان روان وضعیت په اړه بېړنۍ غونډه وکړه.
په خبرپاڼه کې راغلي چې د سازمان غړو هېوادونو د افغانستان پر وروستیو حالاتو بحث وکړ او د نجونو پر زدهکړو او د ښځو پر کار پر بندیزونو یې ژوره اندېښنه وښوده.
د اسلامي همکاریو سازمان د دې غونډې په پای کې یوه اعلامیه هم خپره شوې چې په ترڅ کې یې په افغانستان کې د بشري حقونو د خرابېدونکي وضعیت په اړه اندېښنه ښودل شوې او د هېواد په سولې، امنیت، ټولنیزې او اقتصادي پراختیا کې د ښځو پر رول باندې ټینګار شوی دی.
سرچینې زیاته کړې: «پر افغان اوسني چارواکو غږ کوو چې د نجونو لپاره د ښوونځیو او پوهنتونونو پرانیستلو برخه کې هڅې وکړي او هغوی ته دا زمینه برابره کړي چې په ټولو برخو او رشتو کې د افغانستان د خلکو له اړتیا سره سم برخه واخلي.»
[/restrict]
Views: 348
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن