[restrict paid=”true”]
اټلانټا (پژواک، ۲۰ سلواغه ۱۴۰۱): افغانيالاصلې امریکایۍ مېرمن بلقیس احمدي د امریکا د بهرنیو چارو وزارت د «جنډر» معتبره جاېزه ترلاسه کړه.
د کابل پرېس کلب د خبر له مخې، نوموړې ته دغه جایزه پرون ناوخته د امریکا د بهرنیو چارو وزیر انټوني بلینکن له خوا ورکړل شوه.
بلینکن مېرمن احمدي ته د دغې جایزې ترلاسه کولو له امله مبارکي ویلې او د نوموړې د ټولو هغو هڅو ستاینه وکړه چې هغې په افغانستان کې د افغان ښځو، نجونو او بشري حقونو د ملاتړ په موخه ترسره کړې دي.
په ورته وخت کې، په افغانستان کې د ښځو او بشري حقونو لپاره د امریکا د بهرنیو چارو وزارت ځانګړې استازې رینا امیري هم مېرمن احمدي ته د دغې جایزې مبارکي ورکړې ده.
نوموړې ویلي، دا جایزه د افغان ښځو، نجونو او د افغانستان له زیانمنونکې ټولنې څخه د ملاتړ په موخه د بلقیس احمدي له کار او زیار څخه د قدردانۍ یوه تر ټولو غوره لاره ده.
مېرمن احمدي چې د امریکا متحدو ایالتونو تابعیت لري، اوسمهال د دغه هېواد د سولې په انسټيټیوټ کې کار کوي.
[/restrict]
Views: 165
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن