ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

بدخشان کې د وروستیو واورې ښویېدنو له امله ۱۲ کسانو ته مرګ‌ژوبله اوښتې

بدخشان کې د وروستیو واورې ښویېدنو له امله ۱۲ کسانو ته مرګ‌ژوبله اوښتې

author avatar
12 Feb 2023 - 17:20
بدخشان کې د وروستیو واورې ښویېدنو له امله ۱۲ کسانو ته مرګ‌ژوبله اوښتې
author avatar
12 Feb 2023 - 17:20

فیض‌اباد (پژواک، ۲۳ سلواغه ۱۴۰۱): د بدخشان مسوولین وایي، په دغه ولایت کې د وروستیو پنځو ورځو په ترڅ کې د واورې ښويېدنو له امله ۴ کسان مړه او ۸ نور ټپيان شوي دي.

د بدخشان طبیعي پېښو ته د رسېدو رییس مولوي محمداکرم اکبري پرون (د سلواغې ۲۲مه) پژواک خبري اژانس ته وویل: «په تېرو پنځو ورځو کې په یاوان او راغستان ولسوالیو کې د واورې ښوېیدنې له امله ۴ کسان مړه او اته نور ټپيان شوي دي.»

هغه زیاته کړه، د دغه واورې ښوېیدنې له امله د لسو ولسوالیو لارې له د ولایت له مرکز فیض‌اباد سره تړل شوې دي.

د راغستان ولسوال حیات‌الله الماس پژواک ته وویل: «د دغې ولسوالۍ مواصلاتي لاره د بدخشان له مرکز سره تړل شوې چې له امله یې، د دې ولسوالۍ اوسېدونکي روغتیایي مرکزونو، د څښاک پاکو اوبو او خوراکي توکو لاسرسی برخه کې ل ه ستونزو سره مخ شوي دي.»

له بلې خوا، د بدخشان ولایت د اطلاعاتو او کلتور رییس معزالدین احمدي وایي، د لارو پاکولو کار روان دی چې ډېر ژر به د خلکو پر مخ پرانیستل شي.

هغه وویل، د واورو ورېدو او ښوېیدو له امله د یاد ولایت مرکز فیض‌اباد ښار ته د ارغنج‌خواه، شغنان، مایمي، نسي، کوف آب، شکي، کوهستان، یاوان او راغستان ولسوالیو مواصلاتي لارې بندې شوې دي.

هغه زیاته کړه: «د لارو پر پاکولو کار روان دی، خو وخت به ونیسي، له موټرچلوونکو غوښتنه کوو چې تر بلې خبرتیا پورې دې سرحدي ولسوالیو ته له سفره ډډه وکړي.»

Views: 45

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.