یونیسف د جوزجان له پوهنې ریاست سره د څه باندې ۱۰۰ زره ډالرو په ارزښت د ۸۳ خېمو مرسته وکړه

شبرغان (پژواک، ۲۵ سلواغه ۱۴۰۱): د جوزجان د پوهنې ریاست مسوولین وایي، دغه ریاست د ملګرو ملتونو له ماشومانو د ملاتړ صندوق (یونیسف) څخه د خیمو غوښتنه کړې وه چې نن یې ۸۳ خیمې له دغه بنسټه ترلاسه کړې دي.

د لوګر د پوهنې رییس مولوي محمدطاهر جواد پژواک خبري اژانس ته وویل، دغه ټولې خیمې دوه برخې او ۲۴ متر مربع دي چې د یوه ټولګي زده‌کوونکو ته بسنه کوي.

د هغه په خبره، د دغو ټولو خیمو لګښت ۱۱۳ زره او ۶۳۳ امریکایي ډالر کېږي.

نوموړي زیاته کړه، د جوزجان د پوهنې ریاست په خپل تشکیل کې ۴۰۷ ښوونځي لري چې له دې ډلې ۴۰ سلنه یې ودانۍ نه لري، دغه شمېر مرسته شوې خیمې بسنه نه کوي او دوی هڅه کوي چې نورو ښوونځیو ته هم ودانۍ جوړې کړي.

login or register a new account.