کابل (پژواک، ۲۳ کب ۱۴۰۱): د اوبو او انرژۍ وزارت وايي، پراختیايي پروژې یې د ۱۴۰۲ کال په بودجه کې شاملې کړې دي؛ د ۱۴۰۱ کال خپله ۹۰ سلنه عادي او ۵۰ سلنه پراختیايي بودجه مصرف کړې ده.
د اوبو او انرژۍ وزارت د اطلاعاتو او خپرونو رییس غلام جیلاني حقپرست پژواک خبري اژانس ته وویل چې دغه وزارت په ۱۴۰۱ مالي کال کې پراختیايي پروژې درلودلې.
د هغه په وینا، په ۱۴۰۱ مالي کال کې د بودجوي محدودیتونو او د چارواکو د هدایت پر اساس، د تېر حکومت د پروژو پاتې کارونه -چې له ۸۰ سلنې څخه ډېر و- ترسره شوي او دغه وزارت په ۱۴۰۲ مالي کال کې د هېواد د اوبو سرچینو د جمعي مدیریت لپاره خپلې پراختیايي پروژې له ډلبندۍ وروسته د متوازنې او اغېزناکې پراختیا پر بنسټ له سیندیزو حوزو سره په همغږۍ کې تنظیم کړې دي.
هغه په دې اړه چې ایا د ۱۴۰۱ کال په پرتله د ۱۴۰۲ کال په بودجه کې بدلون راغلی او د اوبو او انرژۍ وزارت د بودجې جوړولو بهير له تېر حکومت سره څه توپیر لري؟ وویل: «د ۱۴۰۱ مالي کال د بودجې په پرتله د ۱۴۰۲ کال د بودجې د ترتیب په اړه، د مالیې وزارت د ۱۴۰۱ مالي کال د وزارت د متحدالمال له مخې په ۱۴۰۱ کال کې د هېواد په کچه هرې پروژې ته د موثریت، انډول او نورو فکټورونو په پامنیوي سره یو کانسيپټ نوټ ترتیب شوی او د ماليې وزارت د پالیسۍ معاونیت ته استول شوی چې تر ارزونې وروسته د ۱۴۰۲ کال په مالي بودجه کې شاملېږي.»
حقپرست همداراز وویل، د اوبو او انرژۍ وزارت د پروژې اړوند پیسو اندازې، پرمختګ، تمویل سرچینو په اړه ټول معلومات په چټکۍ سره په خپل ویبسایټ، ټویټر، جریدې، مجلې او نورو ټولنیزو شبکو کې خپروي.
نوموړي د یاد وزارت د خپرونو د پاليسۍ په اړه وويل، ټول معلومات د دغه وزارت د خبريالانو له خوا چمتو کېږي، د نشراتو رياست له لارښوونې وروسته خپرېږي او په ځينو مواردو کې د وزارت مقام هدایت هم اخيستل کېږي.
حقپرست وویل، دغه وزارت په ۱۴۰۱ مالي کال کې خپلې منظور شوې بودجې ته لاسرسی درلود.
نوموړي د یاد وزارت د ۱۴۰۱ کال بودجې د اندازې په اړه معلومات ور نهکړل، خو ويې ويل چې دغه وزارت د خپلې عادي بودجې ٩٠ سلنه او د پراختيايي بودجې ۵۰ سلنه مصرف کړې ده.
نوموړي د جزئياتو له ورکولو پرته زياته کړه چې په ولایتونو کې په ولایتونو کې د لسو بندونو د ساتنې او څارنې پروژې عملا جریان لري او د دغو پروژو په بشپړېدو سره به د مصرف شوې بودجې فیصدي به زیاته شي.
د هغه په وینا، دغه وزارت هڅه کوي پر هغو پروژو کار وکړي چې د خلکو د ژوند په ښه کېدو کې اغېز ولري او د یادو لسو پروژو په بشپړېدو سره به د کرنې په برخه کې د خلکو لپاره اسانتیاوې رامنځته شي.
هغه په دې اړه چې ایا د اوبو او انرژۍ وزارت د ۱۴۰۲ مالي کال بودجه له خلکو او رسنیو سره شریکوي؟ وويل، په دې اړه به د وزارت مقام له لزوم دید وروسته اقدام وشي.
حقپرست په دي اړه چې ایا د تفتیش عالي ادارې په تېر یوه نیم کال کې د دغه وزارت د کړنو تفتیش کړی او که نه؟ وايي: «د تفتیش عالي ادارې د دغه وزارت تفتیش کړی او اوس هم له څو ورځو راهیسې په دغه وزارت کې د تفتیش عالي ادارې کارونه جریان لري.»
غړيYou need to subscribe to view the full article. Please login or register a new account.
