کلات (پژواک، ۲ وری ۱۴۰۲): د زابل د مستوفیت چارواکي وايي چې په تېر ۱۴۰۱ کال کې یې ۸۴ میلیون افغانۍ عواید راټول کړي چې د وړم کال په پرتله ۲۹ سلنه زیاتوالی ښيي.
د زابل مستوفي مولوي نورالحسن محسن د وري په دویمه ولس ته د حساب ورکونې په غونډه کې وویل چې د ۱۴۰۰ کال په پرتله یې ۲۴ میلیون ډېر عواید راټول کړي چې ۲۹ سلنه زیاتوالی ښيي .
هغه دغه راز زیاته کړه چې تر ډېره یې دا عواید په مرکز کلات او ولسوالیو کې له مالیاتي او غیرمالیاتي سرچینو ترلاسه کړي دي.
د نوموړي په خبره: «موږ په ټولیز ډول باندې په تېر کال کې ۸۴۶۵۳۸۲۳ میلیون افغانۍ عواید راتول کړي چې دا عواید تر ډېره د شرکتونو له مالیې، قراردادیانو، صرافانو، کرایو، د دوکانونو، بېلابېلو اصنافو له مالیو، او دولتي ادارو له خوا د راټول سوو عوایدو دي چې د تېر کال په نسبت ۲۹ فصیده زیاتوالی په کې راغلی دی؛ تېر کال زموږ عواید ۶۰ میلیون افغانۍ وو.»
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن