اټلانټا (پژواک، ۱۰ وری ۱۴۰۲): امریکایي چارواکي وایي چې په کنټاکي ایالت کې د پوځ د دوو چورلکو د ټکر له امله نهه سرتیري وژل شوي دي.
د امریکا د پوځ یو تن ویاند ویلي چې دا پېښه تېره شپه په کنټاکي ایالت کې د تمریناتو پر مهال رامنځته شوې ده.
سرچینې زیاته کړې چې د بلاک هاوک ډوله دوه چورلکې د یاد الات په ټریګ کاونټي کې له ټکر وروسته پر ځمکه غورځیدلې دي.
د کنټاکي والي انډي بیشیر ویلي چې په دې پېښه کې نهه سرتیري وژل شوي دي.
بلخوا پولیسو ویلي چې چورلکې په یو میدان او د لرګیو په یوې سیمې کې غورځېدلي دي.
د اسوشیتډپرس اژانس د راپور په اساس د کنټکي د پولیسو مشر ټروپو برګیس په یو لنډ خبري کنفرانس کې وویل: «تر دې دمه په پېښه کې د استوګنو د سیمو د ویجاړۍ کوم راپور نشته.»
د پېښې په اړه پلټنې پیل شوې دي.
د یادونې وړ ده چې تېره میاشت د تینیسي په ایالت کې د تمرین په مهال د بلک هاک د هلیکوپتر د غورځېدو په پېښه کې د متحدو ایالتونو د ملي ګارد دوه پیلوټان مړه شول.
GET IN TOUCH
NEWSLETTER
SUGGEST A STORY
PAJHWOK MOBILE APP