کندهار (پژواک، ۲۶ وری ۱۴۰۲) چارواکي وایي، د کندهار په میانشین ولسوالۍ کې د یوه پخواني ماين چاودنې له امله یو ماشوم وژل شوی او بل ټپي دی.
دغه پېښه تېره ورځ ناوخته (جمعه، د وري ۲۵مه) د میانشین ولسوالۍ په خاشکشي سیمه کې شوې ده.
د کندهار ولایت مقام مطبوعاتي مسوول حاجي زید پژواک خبري اژانس ته وویل، په یاده پېښه کې ټپي شوی ماشوم روغتون ته لېږدول شوی خو د روغتیا په اړه یې لا هم معلومات نشته.
هغه زیاته کړه: «دا پېښه پرون شوې ده او دغو دوو کوچنیانو ته مرګژوبله اوښتې ده.»
login or register a new account.
