کرنې وزارت: تېر کال په هېواد کې څه باندې ۵۴۱ زره مټریک ټنه پیاز تولید شوي

کابل (پژواک، ۲۸ وری ۱۴۰۲): د کرنې او مالدارۍ وزارت وایي، تېر کال په هېواد کې څه باندې ۵۴۱  زره مټریک ټنه د پيازو حاصلات ترلاسه شوي دي.

یاد وزارت نن په خپله فېسبوک‌پاڼه کې لیکلي، په ۱۴۰۱ کال کې د هېواد په کچه ۵۴۱ زره او ۲۲۵ مټریک ټنه د پيازو حاصلات راټول شوي دي.

د کرنې وزارت ویلي، تېر کال د هېواد په ۳۴ ولایتونو کې پر ۳۰ زره او ۴۷۰ هکټاره ځمکه پياز کرل شوي وو.

د سرچینې د معلوماتو له مخې، د پیازو ډېره کرکېله په ننګرهار، پروان، فراه، تخار، بغلان، بلخ، کندهار، هلمند او نیمروز ولایتونو کې شوې وه.

login or register a new account.