کولمبیا کې د الوتکې لوېدل؛ څلور ماشومان ۱۷ ورځې وروسته په ځنګله کې ژوندي وموندل شول

کابل (پژواک، ۲۹ غویی ۱۴۰۲): د راپورنو له مخې، څلور ماشومان چې د کولمبیا د یوې الوتکې له لوېدو وروسته د امازون په ځنګلونو کې نادرکه شوي وو، ۱۷ ورځې وروسته په ځنګله کې ژوندي موندل شوي دي.

یورونیوز پرون (پنج‌شنبه) راپور ورکړی چې د کولمبیا مرستندویه ځواکونو یاد ماشومانون د چهارشبې پر ورځ ناوخته ژغورلي دي.

د کولمبیا ولسمشر ګوستاو پترو هم د ټویټر له لارې په یوه پیغام کې ویلي: «د پوځ له سختو پلټنو وروسته، هغه څلور ماشومان مو ژوندي موندلي چې د ګوویرا په سیمه کې د الوتکې له نسکوریدو وروسته نادرکه شوي وو. دا د هېواد لپاره د خوښۍ ځای دی.»

دا ماشومان وروسته له هغه وموندل شول چې پلټونکو سپیانون د ماشوم شیدو بوتل، یوه بیاتي، د وېښتانو بند او یوه اندازه نیمه خوړل شوې مېوې وموندلې.

login or register a new account.