فېروزکوه (پژواک، ۲۲ غبرګولی ۱۴۰۲): د غور امنیه قومانداني وایي، په دغه ولایت کې د یوې هاوان مرمۍ چاودنې له امله یو ماشوم مړ شوی او دوه نور ټپيان دي.
د غور د امنیې قوماندانۍ ویاند عبدالرحمان بدري پژواک خبري اژانس ته وویل: «د غور ولایت د فېروزکوه په پنبهکار سیمه کې د یوې پخوانۍ سرګلولې د چاودنې له امله د کرامالدین ولد ملا سراج په نوم یو ماشوم شهید شوی او دوه نور ماشومان سخت ټپیان شوي دي.»
د هغه په خبره، چاودنه هغه مهال رامنځته شوه چې یادو ماشومانو د هاوان په مرمۍ لوبې کولې.
د سرچینې د معلوماتو له مخې، د یادې پېښې ټپیان د درملنې لپاره د غور ولایتي روغتون ته لېږدول شوي دي.
GET IN TOUCH
NEWSLETTER
SUGGEST A STORY
PAJHWOK MOBILE APP