کابل (پژواک، ۲۶ غبرګولي ۱۴۰۲): د ملګرو ملتونو د خوړو نړیوال پروګرام د پروان ولایت په مرکز کې له ۱۷۵۰ اړو کورنیو سره د خوراکي توکو مرسته وکړه.
د پروان ولايت د کليو پراختيا رييس ملا عبدالصمد صادق وايي، چې د هرې کورنۍ لپاره په دې مرستو کې پنځوس کيلوګرامه اوړه، پنځه ليتره غوړي، شپږ اعشاریه درې کیلوګرامه لوبيا او يو کيلو مالګه شامل دي.
هغه وویل، دغه خوراکي د یوې خیریه موسسې «AWARD» په همکارۍ پر اړو کسانو وېشل شوي دي.
هغه زياته کړه، دغه مرسته د نړيوال خوراکي پروګرام د مرستو دويمه برخه وه، چې د يادې ادارې په همکارۍ او د کليو پراختيا رياست د کاري ټيم په نظارت سره د دغه ولايت په مرکز کې ووېشل شوه.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن