میدان‌وردګو کې د څښاک اوبو رسونې ۱۸ شبکو جوړولو او ترمیم چارې پیل شوې

میدان‌ښار (پژواک، ۲۶ چنګاښ ۱۴۰۲): د میدان‌وردګو په مرکز میدان‌‌ښار او څلورو ولسواليو کې د ٤٣ ميليونه افغانيو په لګښت د ١٨ رغنيزو پروژو چارې پيل شوې.

د ميدان‌وردګو د کليو بيارغونې او پراختيا رياست د يوې خبرپاڼې په خپرولو سره ويلي چې د دغه ولايت په مرکز، نرخ، چک، جلرېز او جغتو ولسواليو کې د اوبو رسونې اتو شبکو جوړولو او د لسو نورو د ترميم چارې پيل شوې.

سرچینه وایي، د دغو پروژو په بشپړېدو سره به د سیمې درې زره ۱۱۱ کورنۍ، دوه ښوونځي، یو روغتيايي مرکز او ۳۰ جوماتونو ته د څښاک پاکې اوبه برابرې شي.

خبرپاڼه زیاتوي چې دغو پروژو کې د سيمې لسګونو کسانو د کار زمينه برابره شوې او چارې به يې د څلورو مياشتو په موده کې بشړې شي.

login or register a new account.