د درېیو ولايتونو ترافیکي پېښو کې پنځه تنه مړه شوي

قلعه‌نو - بامينان، فراه (پژواک، ٣٠ چنګاښ ١٤٠٢): په بادغيس ، فراه او باميان ولايتونو کې د ترافيکو پېښو له امله پنځه  کسان مړه شوي دي.

د بادغيس امنيې قوماندانۍ له لوري په خپره شوې خبرپاڼه کې راغلي، نن سهار له هرات ولايته يو خاور موټر بادغيس ته پر لاره و چې د سبزک بند په سيمه کې له سړکه وتلی او چپه شوى دى.

سرچينه وايي، په دې پېښه کې د موټرچلوونکي په ګډون درې کسان مړه شوي دي.

دغه راز د يو بل خبر له مخې، د باميان امنيې قوماندانۍ وياند محمدرسا خواني د چنګاښ په ٣٠مه پژواک خبري اژانس ته وويل چې نن سهار د دغه ولايت د مرکز په بورسونه سيمه کې يو کاسټر موټر له يوه موټرسايکل سره ټکر کړى دى.

هغه وايي، په دې پېښه کې د موټرسايکل چلوونکى مړ شوى او د کاسټر موټر چلوونکی د پوليسو له خوا نيول شوى او دا مهال تر نظارت لاندى دى.

د یادونې وړ ده چې په دې وروستیو کې د هیواد په بیلا بیلو سیمو کې ترافیکي زیاتې شوې او د روان لمریز کال له پیل راهیسې په بیلا بیلو پېښو کې تر ۳ زرو ډیرو کسانو ته مرګ ژوبله اوښتې ده.