غزنيښار (پژواک، ۳ زمری ۱۴۰۲): غزني کې ځایي چارواکي وایي چې د اوبو او برېښنا وزارت یو پلاوی د اوبو بندونو د تخنیکي ستونزو ارزونې او هواري په موخه دغه ولایت ته ورغلی دی.
د غزني ولاړو اوبو ریيس مولوي محمدشفيق منصور عمر پژواک خبري اژانس ته وویل چې یاد پلاوی به دغه ولایت ته د خپل سفر په ترڅ کې د سلطان او ځینو نورو بندونو د تخنیکي ستونزو ارزونه وکړي او په اړه به یې خپل راپور د اوبو او برېښنا وزارت له رهبرۍ سره شریک څو د حل لپاره یې اقدام وشي.
هغه زیاته کړه: «باصلاحیته پلاوي ته لومړی د سلطان بند ټولې تخنيکي ستونزې لکه د پرچاوي اوبو په اندازو کې بدلونونه راوړل، د بند د دروازو ترميم، د بند د دېوال تحکيمکاري، د اپرون جوړول او نورې ستونزې د اوبو په برخه کې ورسره شريکې شوې او د حل غوښتنه ترې وشوه.»
هغه وايي، د اقلیم بدلون او سېلابونونو ډېرېدو ته په کتو د سلطان بند د پرچاویو اندازې کوچنۍ دي، دروازو یې هم ستونزې پيدا کړې او د دېوالونو له چاکونو یې اوبه وځي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن