هلمند کې د سېلابونو له امله درې ماشومان مړه شوي

لښکرګاه (پژواک، ۶ زمری ۱۴۰۲): د هلمند مسوولین وايي، پرون په دغه ولایت په باغران ولسوالۍ کې د سېلابونو له امله درې ماشومان مړه شوي دي.

د دغه ولایت د اطلاعاتو او فرهنګ ریاست مرستیال مولوي محمدقاسم ریاض پرون (د زمري ۵مه) پژواک خبري آژانس ته وویل: «په تېرو ۲۴ ساعتونو کې د دغه ولایت په باغران ولسوالۍ کې د سېلابونو له امله درې ماشومان مړه شوي دي.»

ده زیاته کړه چې دغه ماشومان د یادې ولسوالۍ په دلېجک کلي کې سېلاب وړي او مړه شوي دي.

هغه وايي، د دغو ماشومانو مړي د باغران د امنیتي ځواکونو له خوا پيدا او کورنیو ته يې سپارل شوي دي.

login or register a new account.