کابل (پژواک، ۲۹ زمری ۱۴۰۲): پاکستاني رسنیو راپور ورکړی چې د دغه هېواد په پنجاب ایالت کې د فیصلاباد پر لویه لاره د مسافروړونکي یوه بس او تېلو یوه ټانکر د ټکر له امله لږ تر لږه ۱۸ کسان مړه او ۱۵ نور ټپيان شوي دي.
د پاکستان نیوز انټرنشنل راپور ورکړی، دا پېښه نن (یکشنبه) سهار شاوخوا ۴ بجې پاکستان کې پر فیصلاباد لویه لار رامنځته شوې او د ځایي چارواکو له قوله یې لیکلي چې دغه بس کې له ۳۵ تر ۴۰ سپرلي موجود وو.
د راپور له مخې، قربانیانو کې ښځې او ماشومان هم شامل دي او د دې پېښې ټپیان د فیصلاباد روغتونونو ته لېږدول شوي دي.
login or register a new account.
