ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د اوبو او انرژۍ وزارت او د «اس ک ام هواسلیک انونیوم» شرکت ترمنځ هوکړه‌لیک لاسلیک شو

د اوبو او انرژۍ وزارت او د «اس ک ام هواسلیک انونیوم» شرکت ترمنځ هوکړه‌لیک لاسلیک شو

author avatar
20 Aug 2023 - 19:36
د اوبو او انرژۍ وزارت او د «اس ک ام هواسلیک انونیوم» شرکت ترمنځ هوکړه‌لیک لاسلیک شو
author avatar
20 Aug 2023 - 19:36

کابل (پژواک، ۲۹ زمری ۱۴۰۲): د اوبو او انرژۍ وزارت وايي، د دغه وزارت او د اس ک ام هواسلیک انونیوم شرکت ترمنځ د دوه اړخیزې همکارۍ هوکړه‌لیک لاسلیک شو چې له مخې به يې دغه شرکت په افغانستان کې د اوبو او انرژۍ پروژو په برخه کې پانګونه کوي.

د ياد شوي وزارت په ټويټرپاڼه کې راغلي چې د اوبو او انرژۍ سرپرست وزیر ملا عبداللطیف منصور د اس ک ام هواسلیک انونیوم شرکت د مدیره پلاوي له رئيس دوکتور عباس رسول زاده فرساد سره له بېلابېلو سرچینو څخه د برېښنا د تولید، لېږد او وېش په برخه کې د پانګونې په موخه د دوه اړخیزې همکارۍ هوکړه‌لیک لاسلیک کړ.

سرچينه کاږي، د اوبو او انرژي سرپرست وزیر د نوموړې هوکړه‌لیک د لاسلیکولو پر مهال په افغانستان کې د اوبو او انرژۍ پروژو په برخه کې د نوموړي شرکت د پانګونې له لېوالتیا څخه د هرکلي ترڅنګ، هغوی ته د پانګونې لپاره د زمینې د چمتو کولو په برخه کې د دغه وزارت د همکاریو په هکله ډاډ ورکړ.

سرچينه زياتوي، د نوموړي شرکت مسؤولینو هم د افغانستان په ۳۴ ولایتونو کې د بېلابېلو پروژو په ځانګړې توګه د اوبو او انرژۍ پروژو د پلي کولو په برخه کې د پانګونې لپاره چمتووالی څرګند کړ.

Views: 105

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.