جلالاباد (پژواک، ۱۲ وږی ۱۴۰۲): د ننګرهار د کرنې او مالدارۍ رياست ویلي، نن يې د دغه ولایت په مرکز او یو شمېر ولسوالیو کې ۱۰۶ زره څارویو ته د ناروغیو مخنیوي په موخه د واکسین کمپاین پیل کړ.
د ننګرهار د کرنې، اوبو اګولو او مالدارۍ رييس مولوي عبدالستار محمد وايي چې د دغه ولايت په چپرهار، بهسود، کامه، دره نور، رودات، سره رود، خوږیاڼي، شېرزاد، حصارک او کوز کونړ ولسوالیو کې ۱۰۶ زره وړو څارویو ته د طاعون او پوستکي ناروغیو مخنیوي واکسین د تطبیق چارې پيل شوې.
دی زياتوي، د دغه واکسين د تطبیق موخه په وړو څارویو کې د داخلي پرازیتونو، د پيپيار او پوستکي د دانو ناروغیو مخنیوی، د محصولاتو زیاتوالی، د څارويو د مړینې کموالی او د مالدارانو د عاید لوړوالی دی.
د هغه د معلوماتو له مخې، دغه کمپاین کې چې په ۱۵ ورځو کې د ۲۰ سیمهییزو کلینیکونو له خوا تطبیقېږي، ۵۳ زره واړه څاروي د پيپيار او ۵۳ زره حیوانات به د پوستکي د دانو ناروغیو مخنیوي په موخه واکسین شي.
ننګرهار کې څاروي لرونکي د دغه کمپاين له پيله خوښ دي او غوښتنه کوي چې ټولو ولسواليو کې بايد دغه کمپاين ترسره شي.
عبدالقدوس چې د ننګرهار د سرهرود اوسېدونکی دی او څارويو ته يې دغه واکسين تطبيق شوی وايي، که پاتې ولسواليو کې هم دا واکسين وشي نو د ټول ولايت څاروي به له دغو ناروغيو خلاص شي.
Views: 33
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن