لښکرګاه (پژواک، د تلې لومړۍ نېټه ۱۴۰۲): د هلمند ځایي چارواکي وایي چې په دغه ولایت کې یې د هغو وسایطو ضبطولو او درولو لړۍ پیل کړې چې د چلوونکي عمر یې له ۱۸ کلونو کم وي.
د دغه ولایت د اطلاعاتو او فرهنګ ریاست مرستیال مولوي محمدقاسم ریاض پژواک خبري اژانس ته وویل، په مرکز لښکرګاه ښار او ولسوالیو کې د ترافیکو مدیریت عملاً لاس په کار شوی او هغه وسایط دروي چې د چلوونکو عمرونه یې له ۱۸ کلونو کم وي.
نوموړی زیاتوي، یاد کمپاین تېره ورځ د ناوې ولسوالۍ اړوند له عینک سیمه پیل شوی دی.
د ریاض په خبره، کمپاین کې هغه وسایط چې چلوونکي یې احتیاط نه کوي او یا یې ترافیکي اصول نه مراعاتول او عمرونه یې له ۱۸ کلونو کم وو د ترافیکو مدیریت کې ودرول شول څو بیا ورته عمل تکرار نه کړي.
ریاض زیاته کړه نن د یاد کمپاین په ترڅ کې د ناوې ولسوالۍ پر غځېدلي سړک ۲۱ هغه موټرسایکل درول شوي چي چلوونکو یې له ترافیکي قوانینو سرغړونه کوله.
نوموړی دغه راز دا هم وویل چې د یاد کمپاین له پیلېدو سره سم په ښار او ولسوالیو کې ترافیکي پېښو کې کموالی راغلی دی.
Views: 26
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن