پارون (پژواک، د تلې لومړۍ ۱۴۰۲): د نورستان امنیه قومانداني وایي، د دغه ولایت په واما ولسوالۍ کې د دوو کورنيو ترمنځ وسلهواله شخړه کې پنځه کسان ټپيان شوي دي.
د نورستان امنیه قوماندانۍ مطبوعاتي مسوول غلام رحمن حیدري پژواک خبري اژانس ته وویل چې نښته نن سهار د واما ولسوالۍ اړوند د بوني په ساحه کې رامینځته شوې ده.
هغه وایي چې دغه وسلهواله شخړه د څرځای په سر رامنځته شوې چې له امله یې پنځه کسان ټپیان شوي دي.
د یادې سېمې یو قومي مشر محمدزمان شاکر هم د دغې پېښې د پخلي ترڅنګ وایي چې اوس مهال امنیتي کسان او قومي مشران یادې سېمې ته ورسېدلې راولاړه شوې شخړه تر یوه بریده هواره شوې ده.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن