ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

سرپل کې ۵۰ زره جریبه غصب شوې دولتي ځمکه راګرځول شوې ده

سرپل کې ۵۰ زره جریبه غصب شوې دولتي ځمکه راګرځول شوې ده

author avatar
24 Sep 2023 - 16:33
سرپل کې ۵۰ زره جریبه غصب شوې دولتي ځمکه راګرځول شوې ده
author avatar
24 Sep 2023 - 16:33

سرپل (پژواک، ۲ تله ۱۴۰۲): د ځمکو د غصب مخنیوي او بېرته راګرځولو کمېسیون وایي، سرپل کې له ۵۰ زره جریبه ډېره دولتي ځمکه بېرته راګرځول شوې او د ځمکو د بانک په سیستم کې ثبت شوې ده او له ۴۳ زره ډېره غصب شوې ځمکه تثبیت او پېژندل شوې ده.

سرپل کې د مسوولو سرچینو په وینا، تېره ورځ د غصب شوو دولتي ځمکو د بېرته راګرځولو ولایتي کمېتې د چارو ارزولو په موخه د عدلیې وزارت د سرپرست مولوي عبدالحکیم شرعي په مشرۍ او د ښارجوړونې او کرنې د وزیرانو، د سترې محکمې ځانګړي استازي او د حکومت د قضایایو د رییس په غړیتوب یو پلاوی یاد ولایت ته تللی دی.

د غصب شوو دولتي ځمکو راګرځولو کمېسیون منشي مولوي احسان‌الله وثیق وویل، سرپل کې د دولتي ځمکو راګرځولو ولایتي کمېټه وروسته د کار له پیلولو توانېدلې چې له ۵۰ زره جریبه ډېره دولتي ځمکه بېرته راوګرځوي او د ځمکو د بانک سیستم کې یې ثبت کړي.

نوموړي زیاته کړه، په یاد ولایت کې له ۴۳ زرو جریبه ډېره نوره دولتي ځمکه تثبیت او پېژندل شوې چې ډېر ژر به د ځمکو د بانک په سیستم کې شامله شي.

مولوي وثیق وویل، سرپل کې ټولو ادارو د غصب شوو دولتي ځمکو بېرته راګرځولو له کمېټې سره مرسته کړې او دغه کمېسیون سرپل کې خپل کارونه په ډېر ښه ډول مخکې وړي دي.

هغه زیاته کړه: «په هېواد کې په ۴۵ کاله جګړو او ۲۰ کاله اشغال کې د خلکو له لوري دولتي ځمکې غصب شوې چې اسلامي امارت د غصب شوو ځمکو بېرته راګرځولو ته ژمن دی.»

د غصب شوو دولتي ځمکو راګرځولو کمېسیون د منشي په وینا، دغه کمېسیون د کار له پیله وروسته توانېدلی چې په ټول افغانستان کې ۷۰۰ زره جریبه غصب شوې دولتي ځمکې له غاصبینو راوګرځوي.

Views: 23

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.