<p style="text-align: justify;">کابل (پژواک، ۲ وږی ۱۴۰۲): د سومالیا د پلازمېنې موګادیشو په «بلدوین» ښار کې له چاودېدونکو توکو ډک موټر چاودنې له امله لږ تر لږه ۱۸ کسان وژل شوي او ۴۰ نور ټپیان دي.</p>
<p style="text-align: justify;">اسوشیټېډې پرېس راپور ورکړی چې دا چاودنه د سپټمبر په ۲۳مه د سهشنبې ورځ د یاد هېواد په یوه امنیتي چکپاینټ کې شوې ده.</p>
<p style="text-align: justify;">سرچینې لیکلي، د هیرشابل ایالت د کورنیو چارو وزیر عبدالرحمن هیرګوره خبریالانو ته یاده مرګژوبله تایید کړې ده.</p>
<p style="text-align: justify;">راپور کې د سرچینې له قوله لیکل شوي، د دې پېښې ۲۰ ټپیان د بلدوین روغتون کې بستر شوي، په داسې حال کې چې د ۲۰ نورو کسانو وضعیت خراب دی او موګادیشو ته یې د لېږدولو غوښتنه شوې ده.</p>
<p style="text-align: justify;">راپور کې راغلي: «هیرشابل د بلدوین یو ایالت دی چې په دې وروستیو کې د افریقا ختیڅ کې په القاعده ډلې پورې اړوند د الشباب افراطي ډلې پر وړاندې د سومالیایي دولت د نظامي برید مرکز دی.»</p>
<p style="text-align: justify;">سرچینې د بلدوین ښار د روغتون د عمومي رییس ډاکټر سلیمان عبدي علي له قوله ویلي، دغه روغتون ته د لسو کسانو مړي وروړل شوي دي.</p>
<p style="text-align: justify;">سرچینه کاږي، دا ډول بریدونه تر ډېره د الشباب ډله کوي او د سومالیا ځینې برخې یې تر کنټرول لاندې دي، خو تر اوسه یې د یاد برید مسوولیت پر غاړه نه دی اخیستی.</p>
