شیعه دیني عالمان: د هغو کسانو مخه دې ونیول شي چې مذهبي اختلافاتو ته لمن وهي

کندهار (پژواک، ۱۰ تله ۱۴۰۲) یو شمېر شیعه دیني عالمانو کندهار ولایت کې په یوه غونډه کې وویل، د هغو کسانو مخه باید ونیول شي چې د شیعه او سني تر منځ مذهبي اختلافاتو ته لمن وهي.

نن په کندهار ولایت کې د لسګونو علماوو په ګډون د اسلامي ورورلۍ د اونۍ لمانځغونډه جوړه شوې وه.

په دغه غونډه کې د بي‌بي فاطمې جامع جومات خطیب او د شیعه دیني علماوو د شورا مشر مولوي سردارمحمد زاهدي وویل، د بې اتفاقۍ او اختلافاتو مخه باید ونیول شي او هغو کسانو ته باید اجازه ورنه کړل شي چې د ټولنیزو رسنیو یا نورو لارو څخه مذهبي اختلافاتو ته لمن وهي.

هغه زیاته کړه، که شیعه عالم وي او یا سني چې هر ځای او له هرې لارې مذهبي اختلافات جوړوي باید وپېژندل شي او مخه یې ونیول شي.

login or register a new account.