یو ښوونکی داوود قلندري: اسلامي امارت دې د ښوونکو د ژوند وضعیت ښه کېدو ته لومړیتوب ورکړي

کابل (پژواک، ۱۳ تله ۱۴۰۲): یو ښوونکي چې د خپل ژوند ۵۴ کلونه یې د هېواد د پوهنې په خدمت کې تېر کړي وایي، په هیڅ نظام کې ښوونکو ته پاملرنه نه ده شوې او تر ټولو کمه تنخوا هغوی ته ورکول کېږي او له اسلامي امارته غوښتنه کوي چې دوی ته پاملرنه وکړي.

نن د ښوونکي نړۍواله ورځ ده، پژواک خبري اژانس نن له یوه ښوونکي سره چې له پنځو لسیزو ډېر وخت یې د پوهنې په نظام کې تېر کړی، مرکه کړې ده.

دغه ښوونکی د هېواد د پرمختګ لپاره د ښوونکو رول ډېر مهم او اساسي ګڼي او ښوونکو ته بې‌توجهي لویه جفا بولي.

۷۶ کلن محمدداوود قلندري چې ۵۴ کاله یې د دې هېواد د بچیانو په ښوونه او روزنه کې تېر کړي او تر اوسه د کابل ښار په یوه خصوصي ښوونځي کې دنده تر سره کوي، د ښوونکو په وړاندې د حکومتونو له بې توجهۍ ګیله لري.

login or register a new account.