Pajhwok Afghan News

د مالیې وزارت: له هېواده د هر ډول اوسپنیزو تجهیزاتو او توکو لېږد منع شو

کابل (پژواک، ۱۳ تله ۱۴۰۲): د مالیې وزارت وایي، د ریاست‌الوزارء د حکم پر بنسټ له هېواده د هر ډول اوسپنیزو تجهیزاتو او توکو لېږد منع شوی دی.

مالیې وزارت په یوه خبرپاڼه کې لیکلي، د دغه حکم پر بنسټ ټولو امنیتي او دفاعي ځواکونو ته دنده سپارل شوې چې په هېواد کې له یوې سیمې څخه بلې سیمې ته د ملي سوادګرو او صنعت‌کارانو د شخصي اموالو لېږد رالېږد ته د کار او فعالیت د جواز او اصولي سندونو په کتو سره اجازه ورکړي.

د خبرپاڼې د معلوماتو له مخې، هېواد ته واردېدونکي توکي باید اړوند ګمرکي اسناد ولري او له هېواده بهر ته لېږدېدونکو پرزه شوو کانټینرونو ګمرکي سندونه باید تایید شوي وي او د لېږد اجازه ولري.

د مالیې وزارت لیکلي چې د سرغړونې په صورت کې له سرغړونکو سره جدي قانوني چلند کېږي.

Views: 135

Exit mobile version