کابل (پژواک، ۱۵ تله ۱۴۰۲): د چین په اسیایي سیالیو کې د افغانستان کرکټ الف لوبډلې او د هندوستان ترمنځ پایلوبه د باران له امله بې پایلې پای ته ورسېده په دې سره افغان لوبډلې د سپینوزرو مډال ترلاسه کړ.
د نننۍ لوبې پچه هندوستان وګټله او افغانستان ته یې د توپوهنې بلنه ورکړه.
افغانستان لومړی توپوهنه پیل کړه چې په ۱۸،۲ اورونو کې یې د پنځو لوبغاړو په سوځېدو ۱۱۲ منډې وکړې چې باران پیل شو او لوبه وځنډېډه.
دغه راز، د افغانستان کرکټ بورډ پر خپله فیسبوکپاڼه لیکلي، د چین اسیایي سیالیو پایلوبه د شدید او دوامداره اورښت له امله بې پایلې پای ته ورسېده.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن