کابل (پژواک، ۲۷ لړم ۱۴۰۲): د افغانستان بانک وایي، ننګرهار کې یې د ۱۱۸ میلیون او ۸۵۵ زره افغانیو په ارزښت زاړه او له کاره لوېدلي بانکنوټونه سوځولي دي.
د افغانستان بانک په خبرپاڼه کې د یادو څرګندونو ترڅنګ راغلي چې د یاد بانک د لومړي مرستیال نوراحمداغا په مشرۍ یوه پلاوي په همدې موخه ننګرهار ولایت ته سفر کړی.
د افغانستان بانک لومړي مرستیال د یادو زړو بانکنوټونو د سوځولو پر مهال له هېوادوالو غوښتي چې په راکړو ورکړو کې افغانۍ و کاروي او د بانکنوټونو ساتنې ته پاملرنه وکړي.
هغه ویلي، د بانکنوټونو ساتنه یو ملي مسوولیت دی او ټول هېوادوال باید د دې مسوولیت په ترسره کولو کې ونډه واخلي.
یاد بانک له دې مخکې په هرات او کندهار ولایتونو کې هم په میلیونونو زړې افغانۍ سوځولې وې.
Views: 659
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن