د پاکستان کراچۍ ښار یوه مارکېټ کې د اورلګېدنې له امله نږدې ۵۰ کسانو ته مرګ‌ژوبله اوښتې ده

[restrict paid="true"]

اټلانټا (پژواک، ۴ لېندۍ ۱۴۰۲): د پاکستان کراچۍ ښار یوه سوداګریز مارکېټ کې د اورلګېدنې له امله ۱۱ کسان مړه او لږ تر لږه ۳۵ نور ټپیان شوي دي.

پاکستاني رسنیو خبر ورکړی چې دغه اورلګېدنه د شنبې ورځ سهار وخته د کراچۍ ښار په یوه لوړ پوړیز سوداګریز مارکېټ کې رامنځته شوه.

د کراچۍ ښار د اور وژنې څانګې یوه مسوول افتخار عباسي رسنیو ته ویلي چې اورلګېدنه په جنراتور کې د برېښنا شارتۍ له امله رامنځته شوې ده.

د راپورونو له مخې، په دې پېښه کې ۱۱ کسان مړه  او شاوخوا ۳۵ نور ژوبل شوي دي.

ځایي چارواکو ویلي، د اورلګېدنې له امله لسګونه دوکانونه سوځېدلي او خلکو ته د میلیونونو کلدارو زیانونه اوښتي دي.

[/restrict]