<p style="text-align: justify;">[restrict paid="true"]</p>
<p style="text-align: justify;">اټلانټا (پژواک، ۴ لېندۍ ۱۴۰۲): د پاکستان کراچۍ ښار یوه سوداګریز مارکېټ کې د اورلګېدنې له امله ۱۱ کسان مړه او لږ تر لږه ۳۵ نور ټپیان شوي دي.</p>
<p style="text-align: justify;">پاکستاني رسنیو خبر ورکړی چې دغه اورلګېدنه د شنبې ورځ سهار وخته د کراچۍ ښار په یوه لوړ پوړیز سوداګریز مارکېټ کې رامنځته شوه.</p>
<p style="text-align: justify;">د کراچۍ ښار د اور وژنې څانګې یوه مسوول افتخار عباسي رسنیو ته ویلي چې اورلګېدنه په جنراتور کې د برېښنا شارتۍ له امله رامنځته شوې ده.</p>
<p style="text-align: justify;">د راپورونو له مخې، په دې پېښه کې ۱۱ کسان مړه او شاوخوا ۳۵ نور ژوبل شوي دي.</p>
<p style="text-align: justify;">ځایي چارواکو ویلي، د اورلګېدنې له امله لسګونه دوکانونه سوځېدلي او خلکو ته د میلیونونو کلدارو زیانونه اوښتي دي.</p>
<p style="text-align: justify;">[/restrict]</p>
