۴۳ ټانکره بې‌کیفیته تېل د فراه له بندره بېرته ایران ته ګرځول شوي

کابل (پژواک، ۶ لېندۍ ۱۴۰۲): د افغانستان د سټنډرډ ملي اداره وايي، له ایرانه وارد شوي ۴۳ ټانکره بې‌کیفیته تېل یې د فراه له «۷۸ میل» بندره بېرته دغه هېواد ته ګرځولي دي.

د سټنډرډ ملي ادارې نن پر خپله اېکس‌پاڼه ليکلي، دغه تېل چې د یاد بندر له لارې افغانستان ته راوړل کېدل، کیفیت یې ټیټ وو.

یادې ادارې دوې ورځې مخکې ویلي وو چې په تېره لړم میاشت کې یې له ایرانه وارد شوي ۱۶۰ ټانکره بې‌کیفیته تېل د فراه له «۷۸ میل» بندره بېرته دغه هېواد ته ورګرځولي دي.