ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

کندوز کې د څلورو پراختیايي پروژو عملي چارې پیل شوې

کندوز کې د څلورو پراختیايي پروژو عملي چارې پیل شوې

author avatar
30 Nov 2023 - 15:46
کندوز کې د څلورو پراختیايي پروژو عملي چارې پیل شوې
author avatar
30 Nov 2023 - 15:46

کندوز (پژواک، ۹ لېندۍ ۱۴۰۲): حکومتي مسوولین وايي، کندوز کې د ۱۶ میلیون افغانیو په لګښت د څلورو پراختیايي پروژو عملي چارې پیل شوې.

په دې اړه د کندوز پوهنتون ریاست د مطبوعاتو مسوول زاهد خیال پژواک خبري اژانس ته وویل: «نن د لوړو زده‌کړو وزارت له لورې د ۱۶ میلیون افغانیو په لګښت د څلور پراختیايي پروژو چې ډېرې اړینې وې، عملي چارې پیل شوې، یادو پروژو کې د څښاک اوبو د زېرمې جوړول، د وسایطو پارکینګ بیارغول، د جومات او دیني جامعیاتو ریاست پراختیا شامل دي.»

هغه وویل، د یادو پروژو چارې به په درېیو میاشتو کې بشپړې او ګټې اخیستنې ته وسپارل شي.

بلخوا، د کندوز پوهنتون محصلین وايي چې د یادو پروژو په پلې کېدو به ورته ډېرې اسانتیاوې برابرې شي.

د کندوز پوهنتون یو محصل خال‌محمد وايي: «د یادو پروژو په پلې کېدو به کندوز پرمختګ وکړي او محصلین به د څښاک پاکو اوبو ته لاسرسی پیدا کړي.»

د کندوز پوهنتون یو بل محصل عبدالله هم د یادو پروژو پر پلې کېدو خوښ دی او له مسوولینو غواړي چې د دوی نورو ستونزو لکه پر عصري کتابونو باندې سمبال کتابخونه او انټرنېټ ته د محصلینو د لاسرسي ته هم پاملرنه وکړي.

دا په داسې حال کې ده چې مخکې له دې هم د کندوز په پوهنتون کې د لوړو زده‌کړو د وزارت له لورې څو پراختیایي پروژې پلې شوې او ګټې اخیستنې ته سپارل شوې دي.

Views: 20

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.