فراه (پژواک، ۱۰ لېندۍ ۱۴۰۲): د فراه ولایت د کلیو پراختیا او بیارغونې ریاست وایي، د دغه ولایت په پرچمن ولسوالۍ کې د خوړو نړۍوالو پروګرام له لورې له څه باندې ۲۷۰۰ کورنیو سره د خوراکي توکو مرستې وشوې.
د یاد ریاست په خبرپانه کې راغلي چې دغه مرستې د خوړو نړۍوال پروګرام په مالي ملاتړ او د «فراداتا» موسسې په تخنیکي مرسته د یاد ریاست له لورې وېشل شوې دي.
سرچینې لیکلي چې د یادو مرستو د وېش لړۍ ۲۷۴۶ بېوزلو کورنیو ته تېره ورځ پيل شوې وه چې نن پای ته ورسېده.
د خبرپاڼه له مخې، په دغو مرستو کې هرې کورنۍ ته، ۵۰ کیلوګرامه اوړه، پنځه لېتره غوړي، شپږ کیلوګرام دال او ۳۰ پاکټه د ماشومانو د خوارځواکي د تقویې خواړه ورکړل شوي دي.
Views: 11
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن