ترینکوټ (پژواک، ۲۲ کب ۱۴۰۲): اروزګان کې سلګونه ځوانان د اطلاعاتو او فرهنګ ریاست د وړیا زدهکړو له مرکز څخه د انګلیسي ژبې، کمپیوټر او ساینسي مضامینو له درې میاشتني پروګرام څخه فارغ شول.
د اروزګان د اطلاعاتو او فرهنګ رییس اغاولي قریشي نن د دغه ریاست اړوند د وړیا زدهکړو له ښوونیز مرکز څخه د سلګونه ځوانانو د فراغت په موخه جوړې شوې غونډې ته وویل، له دغه مرکز څخه ۹۰۰ ځوانان، د انګلیسي ژبې، کمپیوټر او سیانسي مضامینو په برخه کې له درې میاشتنیو زدهکړو فارغ شوي دي.
نوموړي وویل، یاد مرکز کې یې هغو ځوانانو ته د زدهکړو زمینه برابره کړې چې اقتصادي وضعیت یې خراب دی.
یاده غونډه کې د اروزګان والي مولوي عنایتالله شجاع وویل، د عصري علومو په ترلاسه کولو سره ځوانان کولی شي، د اوسني عصر مطابق عصري او پرمختللي وسایل جوړ کړي.
نوموړي د دغه ولایت له ځوانانو سره ژمنه وکړه چې هغوی ته به د زدهکړو برابرولو په برخه کې هڅې کوي.
ورته مهال له دغه مرکز څخه تازه فارغ شوي ځوانان خوښ دي چې په وړیا ډول یې بېلابېلو برخو کې زدهکړې کړې دي.
د ترینکوټ ښار اوسېدونکی نصیبالله وايي، خوشاله دی چې د کمپيوټر برخه کې روزنه ورکول شوې ده.
Views: 19
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن