د لوګر د اطلاعاتو او فرهنګ ریاست له لوري د ځوانانو د ستونزو او لاستهراوړنو په تړاو جوړه شوې غونډه کې د دغه ولایت یو شمېر ځوانانو له حکومته وغوښتل چې د زدهکړو ترڅنګ ورته کاري فرصتونه هم برابر کړي.
خوست کې یو شمېر رضاکار ځوانان د ځنګلونو د بیا احیا په موخه په غرونو، دښتو او شاړو ځمکو کې د ځنګلي ونو تخمونه شیندي.
د پکتیا د کار او ټولنیزو چارو ریاست مسوولین وايي، د دغه ریاست د حروفوي زدهکړو له مرکز څخه ۲۲۰ ځوانان پنځو بېلابېلو حرفو کې له شپږ میاشتنیو زدهکړو وروسته فارغ شول.
کوژدنو ته د اختري (خوانچه عید) وړل د هېواد په یو شمېر ولایتونو، په ځانګړې توګه هرات کې یو پخوانی دود پاتې دی؛ سږ کال هم د کوچني اختر په درشل کې په دغه ولایت کې د «اختري» اړوند توکو بازار تود دی، خو کوژده شوي ځوانان وايي، د اقتصاد د خرابوالي له امله نه شي کولای دغه دود ترسره کړي.
په کابل کې د کار او ټولنیزو چارو وزارت د فني او حرفوي زدهکړو له مرکزه ۱۵۵ ځوانان فارغ شول.
د بدخشان د اطلاعاتو او فرهنګ ریاست د وړیا زدهکړو په مرکز کې پر زدهکړو بوخت یو شمېر ځوانان وایي چې دا ډول فرصتونه باید ډېر شي څو وکولای شي لازم مهارتونه زده کړي.
سیمهییز مسوولین وايي چې په روان لمریز کال کې د پنجشېر ۱۱۰۰ ځوانان د اردو او پولیسو لیکو ته جذب شوي دي.
د ننګرهار د کار او ټولنيزو چارو رياست وايي، د دغه ولایت د سرهرود ولسوالۍ د خښتو په بټیو کې شاوخوا شپږ زره کسان کار کوي چې نږدې نیمايي یې ماشومان او تنګي ځوانان دي.
د کډوالو او راستنېدونکو چارو سرپرست وزیر وايي، ټول هغه کسان به سخت مجازات شي چې ځوانان په قاچاقي او غيرقانوني لارو نورو هېوادونو ته بيايي.
د هېواد یو شمېر ځوانانو بېکاري لویه ستونزه بللې، تېر حکومت یې د کارموندنې برخه کې پر بېکفایتۍ تورن کړی او د اسلامي امارت له مسوولینو غواړي چې کارموندنې ته لومړیتوب ورکړي.
په افغانستان کې د واده لوړو لګښتونو او ولور له امله ځیني ځوانان کوژده نهشي کولای او ځیني بیا د دغو لګښتونو پوره کولو لپاره کلونه کلونه په پردیو ملکونو کې مزدوري کوي.
په بامیان کې یو شمېر ځوانان په ودونو کې د ناسمو دودونو او لوړو لګښتونو له امله شکایت لري او وايي چې اوس هم په دغه ولایت کې ناسم دودونه له منځه نه دي تللي او د ځوانانو پر وخت واده کولو پر وړاندې لوی خنډونه دي.
اروزګان کې سلګونه ځوانان د اطلاعاتو او فرهنګ ریاست د وړیا زدهکړو له مرکز څخه د انګلیسي ژبې، کمپیوټر او ساینسي مضامینو له درې میاشتني پروګرام څخه فارغ شول.
دایکنډي کې یو شمېر ځوانان وايي چې په ډېرو ستونزو د ژوند لومړنۍ اړتیاوې پوره کوي چې په لوړو لګښتونو سره د واده رسم او رواجونو یادې ستونزې ډېرې کړې او له امله یې ځوانان په کلونو کلونو نه شي کولی واده وکړي.
د کونړ د اطلاعاتو او فرهنګ ریاست مسوولین وایي، په دغه ولایت کې مطالعې ته د ځوانانو هڅونې په موخه د ازادو سیالیو او فکري روزنې پروګرامونو جوړېدل د دې لامل شوي چې عامه کتابتونونو ته د تېر کال په پرتله د ځوانانو ورتګ ډېر شي.
یو شمېر هغه ځوانان چې ایران ته د تلو اراده لري وايي، سره له دې چې څو ځلې له دغه هېواده راایستل شوي خو اوس د بېکارۍ او اقتصادي ستونزو له امله اړ دي بیا ولاړ شي.
د اطلاعاتو او فرهنګ وزارت سرپرست وایي، اسلامي امارت هڅه کوي، ځوانانو ته د کار زمینه برابره کړي او هغوی به د خپلو وړتیا سره سم په بېلابېلو ادارو کې پر دندو وګمارل شي.
د هرات ځيني ځوانان چې ایران ته د تلو اراده لري، له خراب اقتصادي وضعیته شکایت کوي او وایي د وزګارۍ له امله اړ دي چې هېواد پرېږدي، خو مسوولینو بیا وايي ځوانانو ته د کاري فرصتونو برابرولو لپاره هڅې کوي.
دایکنډي کې مسوولین او یو شمېر ځوانان وايي چې په دې وروستیو کې دغه ولایت کې د دینې زدهکړو د لسګونه مدرسو په جوړېدو سره د عصري علومو ترڅنګ له دینې زدهکړو سره هم د ځوانانو لېوالیتا ډېره شوې ده.
هغه ځوانان چې ایران او بیا اروپایي هېوادونو ته په قاچاقي ډول د تلو هوډ لري، په هېواد کې د کاري فرصتونو غوښتنه کوي څو نورو هېوادونو ته کډوال نه شي.
په تخار کې یو شمېر لوستي ځوانان په دولتي ادارو کې په حکمي ډول د ګومارنو په تړاو اندېښنه څرګندوي او وايي، د حکمي ګومارنو دوام به د ځوانانو د غیرقانوني کډوالېدو او له زدهکړو سره د دوی د لېوالتیا کمېدو لامل شي.
