پلعلم (پژواک، ۲۲ کب ۱۴۰۲): لوګر کې د ۳۶ لوبډلو ترمنځ د والیبال پیل شوې سیالۍ د څرخ لوبډلې په اتلولۍ سره پای ته ورسېدې.
د لوګر د بدنې روزنې او ورزش امر انجنیر مزمل نعیمزي پژواک خبري اژانس ته وویل چې دغه سیالي د ۳۶ لوبډلو ترمنځ یوهنیمه میاشت وړاندې پيل شوې وې چې نن د څرخ لوبډلې په اتلولۍ سره پاي ته ورسېدې.
د هغه په وینا، د والیبال ورزش ته وده ورکول، غوره لوبغاړو پېژندل او د ترمنځ یې ښه همغږي رامنځته کول د دغو سیالیو د ترسره کولو له موخو وو.
نوموړی زیاتوي، د لوبې په پای کې لومړي، دویم او درېیم مقام ګټوونکو ټيمونو ته ډالې هم ورکړل شوې.
دغه راز د یادو سیالیو یوه لوبغاړي وحیدالله پژواک ته وویل، لوګر کې د والیبال لوبغاړي او مینهوال ډېر دي.
هغه وایي چې د بدني روزنې او ورزش امریت باید د لوبغاړو او منیهوالو لپاره دغه شان نورې سیالۍ هم جوړې کړي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن