ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

هلمند کې د کبډي رمضان جام سیالۍ پیل شوې

هلمند کې د کبډي رمضان جام سیالۍ پیل شوې

author avatar
13 Mar 2024 - 14:44
هلمند کې د کبډي رمضان جام سیالۍ پیل شوې
author avatar
13 Mar 2024 - 14:44

لښکرګاه (پژواک، ۲۳ کب ۱۴۰۲): د هلمند په مرکز لښکرګاه ښار کې د ۱۰ ولسوالیو لوبډلو ترمنځ د کبډي سیالۍ پیل شوې چې ۲۲ ورځې به دوام ولري.

دغه سیالۍ تېره شپه د هلمند مرکز لښکرګاه ښار په نظري ورزشي کلب کې د روژې مبارکې میاشتې په مناسبت پیل شوې.

د یادو سیالیو د پیل مراسمو کې د نظري ورزشي کلب مسوول الله نظر نظري پژواک ته وویل چې په دې  سیالیو کې د مرکز لښکرګاه په ګډون د نادعلي، مارجې، ګرشک، ناوې، نوزاد، باباجي، سنګین، ګرمسېر ولسوالیو او بُست پوهنتون لوبډلې شاملې دي.

هغه زیاته کړه چې دغه سیالۍ به ۲۲ ورځي دوام وکړي.

نوموړی د هلمند له ملي سوداګرو غوښتنه وکړه چې ځوانان دې تشویق کړي او د دې سیالیو ملاتړ دې وکړي.

همدارنګه د دغو سیالیو یوه ګډونوال خالداحمد پژواک ته وویل چې دغسې سیالۍ ځوانان ورزش ته هڅوي او د هلمند له ورزشي امریته یې غوښتنه وکړه چې دغسې نورې سیالۍ هم جوړې کړي څو دغه ورزش په هېواد کې وده وکړي.

د یادونې ده، تېره شپه د دې سیالیو په لومړۍ لوبه کې د نوزاد ولسوالۍ لوبډلې د بسټ پوهنتون لوبډلې ته ۴ پر یو ماته ورکړه.

Views: 9

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.