مزارشریف کې د سړک جوړونې ۸ پروژې ګټې اخیستنې ته وسپارل شوې

مزارشریف (پژواک، ۲۶ کب ۱۴۰۲): د بلخ ولایت مرکز مزارشریف ښار کې د څه باندې ۶۵ میلیون افغانیو په لګښت د سړک جوړولو ۸ پروژې جوړې او ګټې اخیستنې ته وسپارل شوې.
د مزارشریف ښاروالۍ له خوا په استول شوې خبرپاڼه کې راغلي، چې د دغه ښار په بېلابېلو ناحیو کې د شاوخوا ۶۵ میلیونه افغانیو په لګښت د سړک جوړونې ۸ پروژې بشپړې او ګټې اخیستنې ته وسپارل شوې.
خبرپاڼه زیاتوي چې دغه سړکونه په شپږمه، اوومه، درېیمه، څلورمه، دویمه، نهمه او اتمه ناحیه کې د ښاروالۍ له پراختیایي بودیجې جوړ شوي دي.
د خبرپاڼې د معلوماتې له مخې د یادو سړکونو ټولییز اوږدوالی نیږدې ۵ کیلومتره ته رسېږي او په تطبيق سره ګن شمېر ټرانسپورتي ستونزې حل او ځايې وګړو ته لازمې اسانتياوې برابرې شوي دي.