ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ننګرهار کې يوې مور په يو ځل پنځه ماشومان زېږولي

16 Mar 2024 - 18:48
16 Mar 2024 - 18:48

جلال‌اباد (پژواک، ۲۶ کب ۱۴۰۲): د ننګرهار عامې روغتيا رياست مسوولين وايي چې د جلال‌اباد سیمه‌ییز تخصصي روغتون کې یوې مور په يو ځل پنځه ماشومان زیږولي چې څلور هلکان او یوه نجلۍ ده.
د ننګرهار عامې روغتيا رياست ویاند نقيب‌الله رحيمي د کب په ۲۶مه پژواک خبري اژانس ته وويل، د جلال‌اباد ښار حوزوي تخصصي روغتون د نسايي ولادي څانګه کې يوې مور په يو ځل پنځه ماشومان زېږولي دي.
هغه زياته کړه، د روغتون د ډاکټرانو په وینا، د مور او ماشومانو روغتیايي وضعیت د ډاډ وړ دی او د کوچنیان د نويو زیږیدلو ماشومانو څانګه کې تر جدي څارنې لاندې دي.
د نوموړي په وينا، دغه مېرمن د جلال‌اباد ښار پنځمې ناحیې اوسېدونکې ده او ماشومانو کې يې څلور هلکان او يوه نجلۍ ده.
له دې څه موده وړاندې هم جلال‌اباد حوزوي روغتون کې يوې مور څلور ماشومان په یو ځل زېږولي وو.

Views: 794

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.
Exit mobile version