ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د ملک سلمان بنسټ له افغانستان سره د ۱۰۰ ټنه خرما مرسته وکړه

د ملک سلمان بنسټ له افغانستان سره د ۱۰۰ ټنه خرما مرسته وکړه

author avatar
16 Mar 2024 - 19:38
د ملک سلمان بنسټ له افغانستان سره د ۱۰۰ ټنه خرما مرسته وکړه
author avatar
16 Mar 2024 - 19:38

کابل (پژواک، ۲۶ کب ۱۴۰۲۹): د سعودي عربستان د ملک سلمان خیریه بنسټ له افغاني سرې میاشتې ټولنې سره د ۱۵ میلیونه افغانیو په ارزښت د ۱۰۰ ټنه خُرما مرسته وکړه.
د دغې مرستې وېش لړۍ نن له کابله پیل شوه.
د افغاني سرې میاشتې ټولنې سرپرست مولوي مطیع‌الحق خالص په دې اړه جوړو شوو مراسمو کې وویل چې د سعودي عربستان حکومت د ملک سلمان خیریه بنسټ له اړمنو افغانانو سره د مرستې په موخه ۱۰۰ ټنه خرما دغې ټولنې ته وسپارله.
دی وايي، دغه مرسته به د کابل په ګډون د افغانستان په بېلابېلو ولایتونو کې پر مستحقو کسانو ووېشل شي.
هغه زیاته کړه چې یاد بنسټ تېر کال هم د افغاني سرې میاشتې ټولنې له لارې له ۴۷۰۰۰ کورینو سره د خوراکي توکو مرسته کړې وه.
هغه زیاتوي چې دغه بنسټ له اړمنو افغانانو سره د نورو مرستو ژمنه هم وکړه.
نوموړي د جزییاتو له ورکولو پرته وویل چې د قطر او ترکیې مرستې هم افغانستان ته را رسېدلي دي.
د سرې میاشتې ټولنې ویاند عرفان‌الله شرف‌زوی د اړوندې موضوع په تړاو وویل چې دغه مرسته شاوخوا ۱۵ میلیونه افغانۍ ارزښت لري او د افغانستان په بېلابېلو ولایتونو کې به پر ۱۲۵۰۰ کورنیو ووېشل شي.
دا په داسې حال ده چې د روان ۱۴۰۲ لمریز کال د وري میاشتې په ۱۲ مه هم یاد بنسټ له افغانستان سره د ۱۰۰ ټنه خرما مرسته کړې وه.

Views: 80

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.