جلالاباد (پژواک، ۲ وری ۱۴۰۳): د ننګرهار امنيتي مسوولين وايي، د دغه ولايت په بټيکوټ ولسوالۍ کې يوه ځوان ځانوژنه کړې ده.
د ننګرهار د امنيې قوماندانۍ وياند عبدالبصير زابلي پژواک خبري اژانس ته وويل، پرون مازديګر ناوخته د بټيکوټ ولسوالۍ اړوند سهپای سيمه کې د رفيعالله په نوم يوه ځوان د ټوپک په ډز ځان وژلی دی.
هغه زياته کړه، د بټيکوټ د امنیه قوماندانۍ منسوبين د پېښې ځای ته رسېدلي او تر پلټنو وروسته ورته جوته شوې چې ياد کس ځان په خپله وژلی دی.
د سيمې يوه اوسېدونکي د نوم نه خپرولو په شرط پژواک ته وويل چې ياد کس د بېکارۍ له امله ځانوژنه کړې، خو امنیتي مسوولینو ويلي چې تراوسه د پېښې د علت په اړه دقيق معلومات نه دي ترلاسه شوي.
GET IN TOUCH
NEWSLETTER
SUGGEST A STORY
PAJHWOK MOBILE APP